Norske Felleskjøp publiserte første sesongprognose for basisprisar ved prisnoteringsanlegga i sesongen 2018/2019 19. juni. Vi har i dag bestemt å endre dei prognoserte basisprisane. Bakgrunnen er at lite kornvolum kombinert med svært tørt korn legg til rette for at ein større andel av kornet enn normalt blir lagra hos bonde for levering etter nyttår. Dette aukar sjansen for overnotering. Det har ikkje vore vurdert som aktuelt å senke den lågaste prisen i treskesesongen.

Følgjande endringar i forhold til juniprognosen blir gjort:

• Basispris for bygg blir redusert frå og med veke 42 og slik at høgaste sesongpris blir redusert med 3 øre pr kg.
• Basispris for matkveite blir redusert frå veke 43 og slik at høgaste sesongpris blir redusert med 2 øre pr kg.
• Basispris for oljefrø vert redusert med 4 øre frå veke 40.

Oppdatert pristabell er vedlagt. Prisendringane blir også publisert i Bondebladet.